Специјалниот настан за членовите на дипломатскиот кор во земјава, годинава се одржа на лозовите насади во Лепово. Присутните ја искусија бербата на грозје и имаа можност да дадат свој придонес во создавањето на врвните вина на „Тиквеш“.

Винарската визба „Тиквеш“ традиционално го организира овој настан, со цел да го претстави македонското вино и исклучителните карактеристики на поднебјето за производство на врвни вина.