На „Mundus Vini Summer Tasting 2022“, кој се одржа во Германија, „Bela Voda white 2021“ освои златен медал и специјална награда за најдобро македонско вино (Best of Show North Macedonia). Златни медали добија и „Terrasse au Soleil 2021“ и „Barovo red 2019“, додека на „Bela Voda red 2019“ му беше доделен сребрен медал.

Нашите вина постигнаа голем успех и на натпреварот „Austria Wine Challenge Vienna 2022“. Пет вина освоија златни медали и тоа: црвените „Barovo“, „Bela Voda“, „Vranec Luda Mara“ и „Terrasse à l’Ombre“ од бербата 2019, како и белото „Sauvignon Blanc Barovo 2021“, додека сребрени медали им беа доделени на „Domaine Lepovo Chardonnay 2021“, „Bela Voda white 2021“, „Barovo white 2021“ и „Alexandria Cuvée rose 2021“.

Дополнително, на престижниот „International Wine & Spirit Competition 2022“, кој се одржа во Лондон, освоивме 10 високи награди, со што вкупниот број на освоени медали и признанија од почетокот на годината се искачи на речиси 100.