Want create site? Find Free WordPress Themes and plugins.

Во срцето на винарницата, осум метри под земјата, меѓу непрегледната низа дабови буриња во кои зрее врвното македонско вино се наоѓа уникатниот ресторан на „Тиквеш“. Автентичната, топла и пријатна атмосфера ја отвора бескрајната приказна за виното на овие простори и за луѓето што го создаваат и се грижат за него.

Совршената комбинација на врвното вино и креативно подготвените специјалитети од традиционалната и од интернационалната кујна ги изненадува и најпребирливите гурмани и буди хедонистички искуства кои долго се паметат.

Посетителите имаат можност да направат избор од богатата понуда на утврдени пакет-менија или да ја искористат можноста да нарачаат „à la carte”.

Нашиот ресторан во Винаријата „Тиквеш“ во Кавадарци ги добива највисоките оценки и истакнати препораки од посетителите на Trip Advisor, уште од 2010 година се’ до денес.

Винарска визба „Тиквеш“ – искуство со врвни комбинации од храна и вино

Ние сме горди на нашиот уникатен гастрономски потпис, кој се должи на најдобрите алхемичари на храната што успеваат успешно да ги спојат егзотичните и богати традиционални вкусови со најновите трендови на меѓународната гастрономска сцена.

Нашиот ресторан ви нуди искуство од редот на светски познатите ресторани што добиле Мишелин ѕвезда, со врвен квалитет на јадењата и извонредна услуга. Во комбинација со нашите вина, тој создава ненадминливо хедонистичко доживување.

Доколку ви се потребни повеќе информации, ве молиме контактирајте не на +389 43 447 519 или на restoran@tikves.com.mk

Доколку сакате вашиот настан да се запамети и долго да се зборува за него, винарската визба „Тиквеш“ ви го нуди вистинскиот амбиент за тоа. Винарската визба „Тиквеш“ нуди можност за организирање деловни настани, тим-билдинг активности, вински тури, вклучувајќи посети на лозјата и малите бутик-винарии во Лепово и Барово.

Нашиот ресторан е опремен за опслужување групи до 60 гости во главната сала или, пак, во супер луксузниот салон за ВИП-гости.

Винарската визба има посебно приспособен простор за одржување свадбени веселби и други масовни настани во периодот од мај до октомври.

Ако патувањето до Кавадарци не е опција, може да обезбедиме и кетеринг-услуга со врвен квалитет на која било локација во земјата. За повеќе информации контактирајте нè, со задоволство ви стоиме на располагање.

„Вински едукатор“ (Wine Educator) е едукативно тело на винарската визба „Тиквеш“, овластено да обезбедува програми од Wine & Spirit Education Trust (WSET and WSET Awards). Ние ги водиме курсевите WSET Level 1 за вина и WSET Level 2 за вина и јаки алкохолни пијалоци, преку кои потрошувачите на вино и винските професионалци може да го прошират своето знаење и да стекнат меѓународно признаени сертификати.

„Вински едукатор“ (Wine Educator) цели да обезбеди едукација за вино и алкохолни пијалoци според највисоките светски стандарди, што е клучно за постојан раст на индустријата. Oрганизираме кратки, практични сесии или подолги курсеви приспособени на барањата на клиентите, вклучително и курсеви за лозарство и производство на вино. Целта е да се зајакне винската култура, професионалните вештини и одговорното консумирање, како суштински дел на промоцијата на локалните вина и винските региони.

Did you find apk for android? You can find new Free Android Games and apps.