Како дел од заложбата на „Тиквеш“ за промоција на вина од уникатни микролокации, во стратешка соработка со „Винарија Попов“, беше развиен новиот бренд „Vršnik“. Белото и црвеното вино „Vršnik“  се дел од портфолиото на „Tikveš Châteaux & Domaines“ и го носат името на уникатниот локалитет на кој се одгледува грозјето од кое се создадени.

Белото вино „Vršnik“ е спој на сортите пино гриџо, совињон блан и шардоне, со овошен мирис и суптилни билни ноти, изразена свежина и вкус на лимон со мала доза на зачини.

Црвеното вино „ Vršnik “ е произведено од сортите сира, мерло, каберне франк и карменере. Во него, мирисот  на капина, цреша и јагода е проследен со ноти на црн бибер. Има меки танини и вкус на капина, црна рибизла, кандирано овошје и пријатен овошен финиш.