Винарска визба „Тиквеш“ ја доби наградата за компанија со најголем раст на извозот во регионот за 2022 година, што ја доделува Коморскиот инвестициски форум на шесте земји од Западен Балкан, во соработка со Европската комисија. „Тиквеш“ е единствената македонска компанија што ја добива оваа престижна награда во споменатата категорија.

Наградата е резултат на континуираните напори и активности на „Тиквеш“ за промоција на врвните македонски вина и нивниот пласман на странските пазари, меѓу кои секако најзначајни се и пазарите во земјите од регионот на Западен Балкан, каде вината на „Тиквеш“ се традиционално присутни и одлично етаблирани. Најдобaр показател за успехот на ваквата стратегија е растот на извозот од 64%, остварен во текот на минатата година, а кој во голем дел се должи и на пласманот на вината на „Тиквеш“ на пазарите во регионот.