На меѓународниот вински натпревар кој се одрa во Белград, во рамки на саемот „Винска визија Отворен Балкан“, нашето црвено вино „Barovo Red 2019“ го освои највисокото признание – Трофеј во категоријата црвени вина од автохтони сорти.

Покрај највисокото признание на натпреварот, вината на „Тиквеш“ и „Tikveš Châteaux & Domainеs“ освоија уште 14 медали. Со златни медали беа наградени вината: „Domainе Lepovo Charodonnay 2020”, „Vranec Luda Mara 2019“ и „Alexandria Cuvee (rose) 2021“, а со платинест медал вината: „Barovo Red 2019“, „Barovo Red 2015“ и „Bela Voda Red 2015”. Добитници на сребрени медали се вината: ,,Bela Voda White 2021“, „Domaine Lepovo Chardonnay 2021“, „Bela Voda Red 2019“ и „Domaine Lepovo Grand Cuvee 2019“, додека бронзен медал добија вината: „Viognier Bela Voda White 2021“, „Sauvignon Blanc Barovo 2021“, „Grenache Blanc Bela Voda 2021“ и „Domaine Lepovo Pinot Noir 2019“.

Во рамки на претставувањето на висококвалитетните македонски вина, „Тиквеш“ беше и единствената винарница од нашата земја која на саемот организираше и специјална мастер клас работилница на која беа претставени автентичните карактеристики и врвниот квалитет на вината произведени во специфични поднебја и микролокации кои им даваат посебен, впечатлив карактер на вината кои се дел од бренд-платформата „Tikveš Chateaux & Domaines“.