На почетокот на септември се одржа Дипломатскиот гроздобер, кој традиционално го организираме за членовите на дипломатската заедница во земјава. Овој настан претставува можност да ги запознаеме со нашите локални сорти и со потенцијалот на нашата земја за производство на квалитетни вина.

Во недопрена природна убавина, на нашите лозови насади во Барово, присутните можеа директно да го доживеат процесот на берба, како и да уживаат во нашите вина и во храната подготвена на самата локација. Оние со спортски афинитети ја искористија можноста да ги истражат ново трасираните велосипедски патеки на Барово и да возат велосипед меѓу пространите лозја. Веруваме дека на ваков начин создадовме приврзаници на македонското вино, кои неговата приказна ќе ја раскажуваат во своите земји.