Нашето популарно вино „Т’га за југ“ доби нов, модернизиран дизајн на етикета, со цел дополнително да го зајакнеме изградениот имиџ на овој бренд, неговата уникатност и  автентичност и да го доближиме до младата популација.

„Т’га за југ“ со децении е дел од сите пригоди и моменти што се дел од еден живот. И среќните и тажните, добрите и лошите, отсликувајќи ги контрастите од кои се состои животот. Полно со искуство и приказни, ова е виното со кое го славиме животот.

Токму затоа, новиот визуелен изглед е придружен од слоганот „Прослави го животот“. Овој слоган повикува и на создавање нови моменти за помнење, со што ќе продолжи традицијата за славење на животот со „Т’га за југ“.

Веруваме дека со новиот изглед, ова вино ќе ја задржи и унапреди својата популарност и позицијата на пазарот, обезбедувајќи ја долготрајноста на брендот.