Од 16 до 19 ноември годинава, се одржа меѓународниот саем за вино, храна и туризам „Винска визија“ во организација на „Отворен Балкан“. Освен што ги претстави своите извонредни вина пред бројните посетители на Белградскиот саем, „Тиквеш“ беше и домаќин на мастеркласот насловен „Лозарството во дигиталната ера“. Дискусијата за конвергенцијата на науката, иновациите и истражувањето ја водеа професорот Алан Делоар од Земјоделскиот институтот во Монпеље, Франција и Џовани Бигот, консултант, агроном и основач на реномираната консултантска фирма за лозарство „Перлеуве“, со седиште во Италија.

„Тиквеш“ беше и меѓу наградените винарници на саемот, а по одлука на меѓународно стручно жири кое оценуваше над 800 примероци вина, за најдобро вино од автохтона сорта беше прогласено „Žilavka Bela Voda 2022“ на „Тиквеш“.