Want create site? Find Free WordPress Themes and plugins.

Скопје, 27.02.2020 – По трет пат годинава, вината на „Тиквеш“ и „Tikveš Châteaux & Domainеs“ освојуваат медали на интернационални вински натпревари. Најнови во низата високи награди се медалите освоени на најголемиот и најпознатиот германски вински натпревар „Мундус Вини“. На овој престижен натпревар, златни медали освоија црвените вина „Domaine Barovo“ од бербата 2017-та и „Domaine Lepovo Grand Cuvée“ од бербата 2016-та, кои се дел од премиум бренд платформата „Tikveš Châteaux & Domainеs“, како и „Vranec Special Selection“ 2017-та и „Alexandria Cuvée“ од бербата 2018-та. Сребрените медали пак, ги понесоа белото „Domaine Barovo 2019“, розе виното „Domaine Lepovo Rose 2019“, како и црвеното „Terrasse à L’Ombre 2018“ од француската винарница „Château de Gourdon“, што е дел од „Тиквеш“.

Овие престижни награди се добиени во конкуренција од речиси 7.500 други вина. „Мундус Вини“ претставува еден од најреномираните светски вински натпревари кој се одржува два пати годишно, при што вината се евалуираат на пролетна и есенска сесија за оценување од страна на висококвалификувано меѓународно жири составено од енолози, винари, професионални трговци со вино, сомелиери и стручни новинари.

Вината на „Тиквеш“ веќе со години претставуваат најтрофејни вина од Југо-Источна Европа, а само од почетокот на оваа година освоија 12 медали и тоа на престижни натпревари одржани во Кина, Франција и Германија.

Did you find apk for android? You can find new Free Android Games and apps.